na lāzim tavaqqo.a hai ahal-e-mahal se
karo ziist shādāb ilm-o-amal se

hijāb-o-hayā sochte rah ga.e haiñ
milī ishq meñ kāmyābī pahal se

yuuñ nākāmiyāñ ham-safar haiñ musalsal
ki le de ke ummīd hai ab ajal se

hayāt-o-fanā kā ye kyā silsila hai
nahīñ raaz afshāñ huā ye azal se

yatīmī-o-lā-vārsī bevgī ke
ba-juz kuchh na hāsil hai jañg-o-jadal se

na lazim tawaqqoa hai ahal-e-mahal se
karo zist shadab ilm-o-amal se

hijab-o-haya sochte rah gae hain
mili ishq mein kaamyabi pahal se

yun nakaamiyan ham-safar hain musalsal
ki le de ke ummid hai ab ajal se

hayat-o-fana ka ye kya silsila hai
nahin raaz afshan hua ye azal se

yatimi-o-la-warsi bewgi ke
ba-juz kuchh na hasil hai jang-o-jadal se