kho kar din kī bātoñ meñ
ghabrātā huuñ rātoñ meñ

andeshoñ kā jañgal hai
nafrat kī sauġhātoñ meñ

sāvan meñ aañsū ya.anī
barsāteñ barsātoñ meñ

nādīda shīrīnī hai
sachche rishte-nātoñ meñ

ḳhasta-hālī dekhī hai
mazdūroñ ke hāthoñ meñ

kuTiyā le kar kitne ḳhvāb
Duubī thī barsātoñ meñ

yādeñ giit sunātī haiñ
tanhā sākit rātoñ meñ

kho kar din ki baaton mein
ghabraata hun raaton mein

andeshon ka jangal hai
nafrat ki saughaton mein

sawan mein aansu yani
barsaten barsaton mein

nadida shirini hai
sachche rishte-naton mein

KHasta-haali dekhi hai
mazduron ke hathon mein

kuTiya le kar kitne KHwab
Dubi thi barsaton mein

yaaden git sunati hain
tanha sakit raaton mein