ruuh merī alag hai jaan alag
zaat kā nā-tavāñ makān alag

har taraf phailtī huī kirneñ
ik añdhere kā ḳhāndān alag

ek zarra huuñ aur kuchh bhī nahīñ
huuñ bahut kuchh hai ye gumān alag

qaid haiñ aañkh meñ ka.ī sapne
aur hai fikr kī uḌaan alag

ik taraf shor ḳhāna-e-dil meñ
aql rahtī hai be-zabān alag

kar rahā hai nasīb kī bāteñ
aur tadbīr par hai maan alag

Dūbte tairte hue qisse
aur hairat kī dāstān alag

ruh meri alag hai jaan alag
zat ka na-tawan makan alag

har taraf phailti hui kirnen
ek andhere ka KHandan alag

ek zarra hun aur kuchh bhi nahin
hun bahut kuchh hai ye guman alag

qaid hain aankh mein kai sapne
aur hai fikr ki uDan alag

ek taraf shor KHana-e-dil mein
aql rahti hai be-zaban alag

kar raha hai nasib ki baaten
aur tadbir par hai man alag

Dubte tairte hue qisse
aur hairat ki dastan alag