ḳhushk dariyāoñ ko paanī de ḳhudā
bādbānoñ ko ravānī de ḳhudā

be-samā.at kar de saare shahr ko
yā mujhe phir be-zabānī de ḳhudā

kab talak be-mo.jaza ho kar jiyūñ
koī to apnī nishānī de ḳhudā

chhūT jā.ūñ vus.atoñ kī qaid se
vahshatoñ ko lā-makānī de ḳhudā

saikaḌoñ ham-zād haiñ mere yahāñ
mujh ko lekin merā saanī de ḳhudā

KHushk dariyaon ko pani de KHuda
baadbanon ko rawani de KHuda

be-samaat kar de sare shahr ko
ya mujhe phir be-zabani de KHuda

kab talak be-mojaza ho kar jiyun
koi to apni nishani de KHuda

chhuT jaun wusaton ki qaid se
wahshaton ko la-makani de KHuda

saikaDon ham-zad hain mere yahan
mujh ko lekin mera sani de KHuda

Videos
This video is playing from YouTube Videos
This video is playing from YouTube Obaid Siddiqi RECITATIONS Obaid Siddiqi



00:00/00:00 KHushk dariyaon ko pani de KHuda Obaid Siddiqi