Subscribe to our newsletter and get our newest updates

Aasi Ramnagri

  • Ghazal


dil ki dahliz suni suni hai


dil kī dahlīz suunī suunī hai
ab tamannāoñ kī barāt nahīñ

jā lagegā safīna sāhil se
nā-ḳhudā laakh apne saat nahīñ

log phir kyuuñ ḳhushī pe marte haiñ
jānte haiñ use sabāt nahīñ

din banegī na raat kis ne kahā
din na hogā kabhī ye raat nahīñ

itne tanhā na the kabhī 'āsī'
yaad bhī un kī ab to saat nahīñ

dil ki dahliz suni suni hai
ab tamannaon ki baraat nahin

ja lagega safina sahil se
na-KHuda lakh apne sat nahin

log phir kyun KHushi pe marte hain
jaante hain use sabaat nahin

din banegi na raat kis ne kaha
din na hoga kabhi ye raat nahin

itne tanha na the kabhi 'asi'
yaad bhi un ki ab to sat nahin


Source: Rooh-e-Ghazal,Pachas Sala Intekhab

Leave a comment

+