Subscribe to our newsletter and get our newest updates

Nadeem ahmad

  • Ghazal


meri nazar ko dar-o-baam par lagaya hua hai


mirī nazar ko dar-o-bām par lagāyā huā hai
chalo kisī ne mujhe kaam par lagāyā huā hai

vo aur hoñge jo sahrā meñ pā-ba-jaulāñ haiñ
mujhe to shahr ne ahkām par lagāyā huā hai

agar vo aayā to is baar sub.h mānūñgā
bahut dinoñ se mujhe shaam par lagāyā huā hai

kabhī to lagtā hai ye uzr-e-lañg hai varna
mujhe to kufr ne islām par lagāyā huā hai

vo aur log haiñ jo us ke paas baiThe haiñ
hameñ to us ne kisī kaam par lagāyā huā hai

meri nazar ko dar-o-baam par lagaya hua hai
chalo kisi ne mujhe kaam par lagaya hua hai

wo aur honge jo sahra mein pa-ba-jaulan hain
mujhe to shahr ne ahkaam par lagaya hua hai

agar wo aaya to is bar subh manunga
bahut dinon se mujhe sham par lagaya hua hai

kabhi to lagta hai ye uzr-e-lang hai warna
mujhe to kufr ne islam par lagaya hua hai

wo aur log hain jo us ke pas baiThe hain
hamein to us ne kisi kaam par lagaya hua hai


Leave a comment

+