aaj phir shab kā havāla tirī jānib Thahre
chāñd mazmūn bane sharh-e-kavākib Thahre

dād-o-tahsīn kī bolī nahīñ tafhīm kā naqd
shart kuchh to mire bikne kī munāsib Thahre

nek guzre mirī shab sidq-e-badan se tere
ġham nahīñ rābta-e-sub.h jo kāzib Thahre

muḳhlisī bā.is-e-taz.hīk zehānat dushman
ye mahāsin to mire haq meñ ma.ā.ib Thahre

maiñ huuñ ḳhud se mutaqābil mutabādil mutazād
ruuh Thahre mirā unvāñ kabhī qālib Thahre

baaT hī dil ke judā hoñ to bhalā kaun āḳhir
kis kā ham-vazn ba-mīzān-e-matālib Thahre

aaj phir shab ka hawala teri jaanib Thahre
chand mazmun bane sharh-e-kawakib Thahre

dad-o-tahsin ki boli nahin tafhim ka naqd
shart kuchh to mere bikne ki munasib Thahre

nek guzre meri shab sidq-e-badan se tere
gham nahin rabta-e-subh jo kazib Thahre

muKHlisi bais-e-tazhik zehanat dushman
ye mahasin to mere haq mein maaib Thahre

main hun KHud se mutaqabil mutabaadil mutazad
ruh Thahre mera unwan kabhi qalib Thahre

baT hi dil ke juda hon to bhala kaun aaKHir
kis ka ham-wazn ba-mizan-e-matalib Thahre

Source: Book : sargoshiyan zamanon ki (Pg. 132)