kitnī hasīn lagtī hai chehroñ kī ye kitāb
satroñ ke biich dekhiye phailā huā azaab

chīḳhoñ kā karb naġhmoñ ke sho.ale varaq varaq
ehsās ban rahā hai javāñ dard kī kitāb

mīzān-e-dil meñ tauliye phūloñ se har umiid
lamhoñ meñ ghul rahā hai tamannāoñ kā shabāb

chehroñ pe aaj kitne naqāboñ kā bojh hai
zaḳhmī hai ā.īnoñ ke samundar meñ har hijāb

ye zindagī hai sāyoñ kā bikhrā huā kafan
dasht-e-safar hai ḳhvāb kā phailā huā sarāb

kitni hasin lagti hai chehron ki ye kitab
satron ke bich dekhiye phaila hua azab

chiKHon ka karb naghmon ke shoale waraq waraq
ehsas ban raha hai jawan dard ki kitab

mizan-e-dil mein tauliye phulon se har umid
lamhon mein ghul raha hai tamannaon ka shabab

chehron pe aaj kitne naqabon ka bojh hai
zaKHmi hai aainon ke samundar mein har hijab

ye zindagi hai sayon ka bikhra hua kafan
dasht-e-safar hai KHwab ka phaila hua sarab