Subscribe to our newsletter and get our newest updates

Om Krishn Rahat

  • Ghazal


KHush hun kab dil ki dastan kah kar


ḳhush huuñ kab dil kī dāstāñ kah kar
kyā milegā yahāñ vahāñ kah kar

ma.anī kyā de diye haiñ lafzoñ ko
dāstāñ-go ne dāstāñ kah kar

vus.at-e-be-karāñ ko ham hī ne
sar chaḌhāyā hai āsmāñ kah kar

ham ne sach-much gumāñ banā Daalā
har yaqīñ ko gumāñ gumāñ kah kar

maiñ ne rutba diyā hai sheroñ ko
dil-e-hassās kā dhuāñ kah kar

KHush hun kab dil ki dastan kah kar
kya milega yahan wahan kah kar

mani kya de diye hain lafzon ko
dastan-go ne dastan kah kar

wusat-e-be-karan ko hum hi ne
sar chaDhaya hai aasman kah kar

hum ne sach-much guman bana Dala
har yaqin ko guman guman kah kar

main ne rutba diya hai sheron ko
dil-e-hassas ka dhuan kah kar


Source: Book : Aiwan (Pg. 29) Author : Manazir Ashiq Harganvi & Shahid Nayeem Publication : Nirali Duniya (1998) Edition : 1998

Leave a comment

+