koī us ke barābar ho gayā hai
ye sunte hī vo patthar ho gayā hai

judā.ī kā hameñ imkān to thā
magar ab din muqarrar ho gayā hai

sabhī hairat se mujh ko tak rahe haiñ
ye kiyā tahrīr mujh par ho gayā hai

asar hai ye hamārī dastakoñ kā
jahāñ dīvār thī dar ho gayā hai

jise dekho ġhazal pahne hue hai
bahut sastā ye zevar vo gayā hai

koi us ke barabar ho gaya hai
ye sunte hi wo patthar ho gaya hai

judai ka hamein imkan to tha
magar ab din muqarrar ho gaya hai

sabhi hairat se mujh ko tak rahe hain
ye kiya tahrir mujh par ho gaya hai

asar hai ye hamari dastakon ka
jahan diwar thi dar ho gaya hai

jise dekho ghazal pahne hue hai
bahut sasta ye zewar wo gaya hai