nigāh-e-ārzū-āmoz kā charchā na ho jaa.e
sharārat sādgī hī meñ kahīñ rusvā na ho jaa.e
unheñ ehsās-e-tamkīñ ho kahīñ aisā na ho jaa.e
jo honā ho abhī ai jur.at-e-rindāna ho jaa.e
ba-zāhir sādgī se muskurā kar dekhne vaalo
koī kam-baḳht nā-vāqif agar dīvāna ho jaa.e
bahut hī ḳhuub shai hai iḳhtiyārī shān-e-ḳhuddārī
agar ma.ashūq bhī kuchh aur be-parvā na ho jaa.e
irāde bāñdhtā huuñ sochtā huuñ toḌ detā huuñ
kahīñ aisā na ho jaa.e kahīñ aisā na ho jaa.e
ilāhī dil-navāzī phir kareñ vo mai-farosh āñkheñ
ilāhī ittihād-e-shīsha-o-paimāna ho jaa.e
mirī ulfat ta.ajjub ho ga.ī tauba ma.āz-allāh
ki muñh se bhī na nikle baat aur afsāna ho jaa.e
ye tanhā.ī kā aalam chāñd tāroñ kī ye ḳhāmoshī
'hafīz' ab lutf hai ik nāra-e-mastāna ho jaa.e
nigah-e-arzu-amoz ka charcha na ho jae
shararat sadgi hi mein kahin ruswa na ho jae
unhen ehsas-e-tamkin ho kahin aisa na ho jae
jo hona ho abhi ai jurat-e-rindana ho jae
ba-zahir sadgi se muskura kar dekhne walo
koi kam-baKHt na-waqif agar diwana ho jae
bahut hi KHub shai hai iKHtiyari shan-e-KHuddari
agar mashuq bhi kuchh aur be-parwa na ho jae
irade bandhta hun sochta hun toD deta hun
kahin aisa na ho jae kahin aisa na ho jae
ilahi dil-nawazi phir karen wo mai-farosh aankhen
ilahi ittihad-e-shisha-o-paimana ho jae
meri ulfat tajjub ho gai tauba maaz-allah
ki munh se bhi na nikle baat aur afsana ho jae
ye tanhai ka aalam chand taron ki ye KHamoshi
'hafiz' ab lutf hai ek nara-e-mastana ho jae
Source: Book : Kulliyat-e-Hafeez Jalandhari (Pg. 396)
Leave a comment