Subscribe to our newsletter and get our newest updates

Kaifi Azmi

  • Ghazal


itna to zindagi mein kisi ke KHalal paDe


itnā to zindagī meñ kisī ke ḳhalal paḌe
hañsne se ho sukūn na rone se kal paḌe

jis tarah hañs rahā huuñ maiñ pī pī ke garm ashk
yuuñ dūsrā hañse to kaleja nikal paḌe

ik tum ki tum ko fikr-e-nasheb-o-farāz hai
ik ham ki chal paḌe to bahar-hāl chal paḌe

saaqī sabhī ko hai ġham-e-tishna-labī magar
mai hai usī kī naam pe jis ke ubal paḌe

muddat ke ba.ad us ne jo kī lutf kī nigāh
jī ḳhush to ho gayā magar aañsū nikal paḌe

itna to zindagi mein kisi ke KHalal paDe
hansne se ho sukun na rone se kal paDe

jis tarah hans raha hun main pi pi ke garm ashk
yun dusra hanse to kaleja nikal paDe

ek tum ki tum ko fikr-e-nasheb-o-faraaz hai
ek hum ki chal paDe to bahar-haal chal paDe

saqi sabhi ko hai gham-e-tishna-labi magar
mai hai usi ki nam pe jis ke ubal paDe

muddat ke baad us ne jo ki lutf ki nigah
ji KHush to ho gaya magar aansu nikal paDe

Videos
This video is playing from YouTube Videos
This video is playing from YouTube Munawwar Ali Khan Begum Akhtar

Leave a comment

+