koī shikva to zer-e-lab hogā
kuchh ḳhamoshī kā bhī sabab hogā

maiñ bhī huuñ bazm meñ raqīb bhī hai
āḳhirī faisla to ab hogā

aa.eñ mai-ḳhāne meñ kabhī vaa.iz
huur bhī hogī aur sab hogā

bol ai mere dil kī tārīkī
terā sūraj tulūa kab hogā

suntā hogā sadā.eñ us dil kī
shām-e-tanhā.ī meñ vo jab hogā

kab chhaTeñgī ye badliyāñ ġham kī
saaf matl.a ye 'josh' kab hogā

koi shikwa to zer-e-lab hoga
kuchh KHamoshi ka bhi sabab hoga

main bhi hun bazm mein raqib bhi hai
aaKHiri faisla to ab hoga

aaen mai-KHane mein kabhi waiz
hur bhi hogi aur sab hoga

bol ai mere dil ki tariki
tera suraj tulua kab hoga

sunta hoga sadaen us dil ki
sham-e-tanhai mein wo jab hoga

kab chhaTengi ye badliyan gham ki
saf matla ye 'josh' kab hoga