tufta-jānoñ kā ilaaj ai ahl-e-dānish aur hai
ishq kī ātish balā hai us kī sozish aur hai

kyuuñ na vahshat meñ chubhe har mū ba-shakl-e-nīsh-tez
ḳhār-e-ġham kī tere dīvāne kī kāvish aur hai

mutribo bā-sāz aao tum hamārī bazm meñ
sāz-o-sāmāñ se tumhārī itnī sāzish aur hai

thūktā bhī duḳhtar-e-raz par nahīñ mast-e-alast
jo ki hai us fāhisha par ġhash vo fāhish aur hai

taab kyā ham-tāb hove us se ḳhurshīd-e-falak
āftāb-e-dāġh-e-dil kī apne tābish aur hai

sab miTā deñ dil se haiñ jitnī ki us meñ ḳhvāhisheñ
gar hameñ mālūm ho kuchh us kī ḳhvāhish aur hai

abr mat ham-chashm honā chashm-e-dariyā-bār se
terī bārish aur hai aur us kī bārish aur hai

hai to gardish charḳh kī bhī fitna-añgezī meñ taaq
terī chashm-e-fitna-zā kī lek gardish aur hai

but-parastī jis se hove haq-parastī ai 'zafar'
kyā kahūñ tujh se ki vo tarz-e-parastish aur hai

tufta-jaanon ka ilaj ai ahl-e-danish aur hai
ishq ki aatish bala hai us ki sozish aur hai

kyun na wahshat mein chubhe har mu ba-shakl-e-nish-tez
KHar-e-gham ki tere diwane ki kawish aur hai

mutribo ba-saz aao tum hamari bazm mein
saz-o-saman se tumhaari itni sazish aur hai

thukta bhi duKHtar-e-raz par nahin mast-e-alast
jo ki hai us fahisha par ghash wo fahish aur hai

tab kya ham-tab howe us se KHurshid-e-falak
aaftab-e-dagh-e-dil ki apne tabish aur hai

sab miTa den dil se hain jitni ki us mein KHwahishen
gar hamein malum ho kuchh us ki KHwahish aur hai

abr mat ham-chashm hona chashm-e-dariya-bar se
teri barish aur hai aur us ki barish aur hai

hai to gardish charKH ki bhi fitna-angezi mein taq
teri chashm-e-fitna-za ki lek gardish aur hai

but-parasti jis se howe haq-parasti ai 'zafar'
kya kahun tujh se ki wo tarz-e-parastish aur hai

RECITATIONS Nomaan Shauque



00:00/00:00 tufta-jaanon ka ilaj ai ahl-e-danish aur hai Nomaan Shauque