Subscribe to our newsletter and get our newest updates

Habeeb Ashar Dehlavi

  • Ghazal


jo mere dil mein aah ho ke rahi


jo mire dil meñ aah ho ke rahī
vo nazar be-panāh ho ke rahī

maiñ huuñ aur tohmat-e-zabūnī-e-dil
be-gunāhī gunāh ho ke rahī

ḳhalish-e-dil pe kuchh bharosā thā
vo bhī terī nigāh ho ke rahī

dil kī ishrat-pasañdiyāñ tauba
har tamannā gunāh ho ke rahī

jo mere dil mein aah ho ke rahi
wo nazar be-panah ho ke rahi

main hun aur tohmat-e-zabuni-e-dil
be-gunahi gunah ho ke rahi

KHalish-e-dil pe kuchh bharosa tha
wo bhi teri nigah ho ke rahi

dil ki ishrat-pasandiyan tauba
har tamanna gunah ho ke rahi


Source: Funoon(Jadeed Ghazal Number: Volume-002)

Leave a comment

+