Subscribe to our newsletter and get our newest updates

Baldev Raaj

  • Ghazal


mere sukun ki duniya mein iztirar nahin


mire sukūn kī duniyā meñ iztirār nahīñ
nahīñ nahīñ mujhe ab terā intizār nahīñ

vo bevafā.ī ke qaa.il maiñ jāñ-nisārī kā
kisī ko apnī tabī.at pe iḳhtiyār nahīñ

samajh sake koī kyā mere zarf-e-ālī ko
piye haiñ mai-kade lekin zarā ḳhumār nahīñ

tirī nigāh se gir kar yaqīñ huā mujh ko
jahāñ meñ koī kisī kā bhī ġham-gusār nahīñ

mire ḳhafīf tabassum pe bhūlne vaalo
maiñ kāmgār nahīñ huuñ maiñ kāmgār nahīñ

haiñ dil se tark-e-mohabbat ke mashvare lekin
tumheñ bhulā bhī sakūñgā ye e'tibār nahīñ

muāmle meñ mohabbat ke bad-gumān huuñ 'raaj
vo kyā haiñ mujh ko ḳhudā kā bhī e'tibār nahīñ

mere sukun ki duniya mein iztirar nahin
nahin nahin mujhe ab tera intizar nahin

wo bewafai ke qail main jaan-nisari ka
kisi ko apni tabiat pe iKHtiyar nahin

samajh sake koi kya mere zarf-e-ali ko
piye hain mai-kade lekin zara KHumar nahin

teri nigah se gir kar yaqin hua mujh ko
jahan mein koi kisi ka bhi gham-gusar nahin

mere KHafif tabassum pe bhulne walo
main kaamgar nahin hun main kaamgar nahin

hain dil se tark-e-mohabbat ke mashware lekin
tumhein bhula bhi sakunga ye e'tibar nahin

muamle mein mohabbat ke bad-guman hun 'raj
wo kya hain mujh ko KHuda ka bhi e'tibar nahin


Source:

Leave a comment

+