Warning: session_start(): open(/tmp/sess_ufckdbbpqvil78801882g445s3, O_RDWR) failed: No space left on device (28) in /razi/eraazi/darbari/chunmun/index.php on line 15
aish sab KHush aate hain jab talak jawani hai

Subscribe to our newsletter and get our newest updates

Taban Abdul Hai

  • Ghazal


aish sab KHush aate hain jab talak jawani hai


aish sab ḳhush aate haiñ jab talak javānī hai
murda-dil vo hotā hai jo ki sheḳh faanī hai

jab talak rahe jiitā chāhiye hañse bole
aadmī ko chup rahnā maut kī nishānī hai

jo ki terā āshiq hai us kā ai gul-e-ra.anā
rañg-e-zāfrānī hai ashk-e-arġhavānī hai

aah kī nahīñ tāqat taab nahīñ hai naale kī
hijr meñ tire zālim kyā hī nā-tavānī hai

chaar din kī ishrat par dil lagā na duniyā se
kahte haiñ ki jannat meñ aish-e-jāvedānī hai

gul-ruḳhāñ kā āb-o-rañg dekhne se mere hai
husn kī gulistāñ kī mujh ko bāġhbānī hai

dil se kyuuñ nahīñ chāhūñ yaar ko ki ai 'tābāñ'
dil-rubā hai pyārā hai jivḌā hai jaanī hai

aish sab KHush aate hain jab talak jawani hai
murda-dil wo hota hai jo ki sheKH fani hai

jab talak rahe jita chahiye hanse bole
aadmi ko chup rahna maut ki nishani hai

jo ki tera aashiq hai us ka ai gul-e-rana
rang-e-zafrani hai ashk-e-arghawani hai

aah ki nahin taqat tab nahin hai nale ki
hijr mein tere zalim kya hi na-tawani hai

chaar din ki ishrat par dil laga na duniya se
kahte hain ki jannat mein aish-e-jawedani hai

gul-ruKHan ka aab-o-rang dekhne se mere hai
husn ki gulistan ki mujh ko baghbani hai

dil se kyun nahin chahun yar ko ki ai 'taban'
dil-ruba hai pyara hai jiwDa hai jaani hai


Leave a comment

+