Subscribe to our newsletter and get our newest updates

Iftikhar Bukhari

  • Ghazal


banti hai sanwarti hai bikhar jati hai duniya


bantī hai sañvartī hai bikhar jaatī hai duniyā
uḌtī huī miTTī sī guzar jaatī hai duniyā

hote haiñ sabhī ḳhauf-zada chāñd-gahan se
ḳhud apne hī saa.e se bhī Dar jaatī hai duniyā

āvāz koī detā hai sadiyoñ ke safar se
ik pal ke liye jaise Thahar jaatī hai duniyā

shāyad yahī umroñ kī mashaqqat kā samar hai
bāhoñ meñ thakan ban ke utar jaatī hai duniyā

aatī hai koī yaad kabhī chāñd pahan kar
āñkhoñ meñ kisī shaam nikhar jaatī hai duniyā

banti hai sanwarti hai bikhar jati hai duniya
uDti hui miTTi si guzar jati hai duniya

hote hain sabhi KHauf-zada chand-gahan se
KHud apne hi sae se bhi Dar jati hai duniya

aawaz koi deta hai sadiyon ke safar se
ek pal ke liye jaise Thahar jati hai duniya

shayad yahi umron ki mashaqqat ka samar hai
bahon mein thakan ban ke utar jati hai duniya

aati hai koi yaad kabhi chand pahan kar
aankhon mein kisi sham nikhar jati hai duniya


Source: Book : Funoon (Monthly) (Pg. 564) Author : Ahmad Nadeem Qasmi Publication : 4 Maklood Road, Lahore (25Edition Nov. Dec. 1986) Edition : 25Edition Nov. Dec. 1986

Leave a comment

+