kyā ruup baras rahā hai
har aa.ina hañs rahā hai

thā hāsil-e-ishq apnā
jo rizq-e-havas rahā hai

sunte haiñ vo āshiyāñ thā
apnā jo qafas rahā hai

vīrān haiñ sab muñDereñ
jī kaisā taras rahā hai

kuchh bhī nahīñ ghar meñ 'yūsuf'
ik hausla bas rahā hai

kya rup baras raha hai
har aaina hans raha hai

tha hasil-e-ishq apna
jo rizq-e-hawas raha hai

sunte hain wo aashiyan tha
apna jo qafas raha hai

viran hain sab munDeren
ji kaisa taras raha hai

kuchh bhi nahin ghar mein 'yusuf'
ek hausla bas raha hai

Source: Rooh-e-Ghazal,Pachas Sala Intekhab