Subscribe to our newsletter and get our newest updates

Obaidur Rahman

  • Ghazal


masale mere sabhi hal kar de


mas.ale mere sabhī hal kar de
varna yārab mujhe pāgal kar de

vaqt kī dhuup meñ jaltā hai badan
mujh pe saaya koī āñchal kar de

aisī tahzīb se hāsil kyā hai
jo bhare shahr ko jañgal kar de

rok rakkhī hai ghaTā āñkhoñ meñ
varna bah jaa.e to jal-thal kar de

vo jo rakhtā hai mujhe nazroñ meñ
kahīñ nazroñ se na ojhal kar de

shahr meñ jaadū hai jaane kaisā
zar-e-ḳhālis ko jo pītal kar de

ġham hai sauġhāt kī sūrat yārab
tū mire ġham ko musalsal kar de

masale mere sabhi hal kar de
warna yarab mujhe pagal kar de

waqt ki dhup mein jalta hai badan
mujh pe saya koi aanchal kar de

aisi tahzib se hasil kya hai
jo bhare shahr ko jangal kar de

rok rakkhi hai ghaTa aankhon mein
warna bah jae to jal-thal kar de

wo jo rakhta hai mujhe nazron mein
kahin nazron se na ojhal kar de

shahr mein jadu hai jaane kaisa
zar-e-KHalis ko jo pital kar de

gham hai saughat ki surat yarab
tu mere gham ko musalsal kar de


Source: Book : Aawaz Ke Saye (Poetry) (Pg. 63) Author : Obaidur Rahman Publication : Sehla Obaid (2001) Edition : 2001

Leave a comment

+