ḳhirad ko ḳhāna-e-dil kā nigah-bāñ kar diyā ham ne
ye ghar ābād hotā is ko vīrāñ kar diyā ham ne
chhupoge kyā digar rañg-e-shabistāñ kar diyā ham ne
ki apne ghar ko phūñkā aur charāġhāñ kar diyā ham ne
ghuTe jaate the tum mīnā-e-qalb-e-ahl-e-ḳhalvat meñ
tumheñ jām-e-kaf-e-sahrā-nashīnāñ kar diyā ham ne
anīs-e-ḳhvājgāñ tum the jalīs-e-ḳhvājgāñ tum the
magar tum ko nasīb kam-nasībāñ kar diyā ham ne
harīm-e-nāz se tum ko churā laane ke mujrim haiñ
ye sahrā thā ise bhī kū-e-jānāñ kar diyā ham ne
nazar vaalo zarā chāk-e-garebāñ dekhte jaao
ise chāk-e-naqāb-e-rū-e-jānāñ kar diyā ham ne
zamīñ ḳhākistar-e-yak shola-o-yam āb-e-yak-girya
yahī vo āb-o-gil hai jis ko insāñ kar diyā ham ne
jafā se fitrat-e-āsūdgāñ tāmīr kī tum ne
vafā ko qismat-e-āshufta-hālāñ kar diyā ham ne
matā-e-husn mahsūsāt meñ arzāñ hī rah jaatī
girāñ us ko ba-yak taḳha.īl-e-yazdāñ kar diyā ham ne
khañDar meñ māh-e-kāmil kā sañvarnā is ko kahte haiñ
tum utre dil meñ jab dil ko bayābāñ kar diyā ham ne
amānat māñgtī thī ham se sāmān-e-nigah-dārī
tumhīñ ko shahr-e-ḳhāmoshī kā darbāñ kar diyā ham ne
KHirad ko KHana-e-dil ka nigah-ban kar diya hum ne
ye ghar aabaad hota is ko viran kar diya hum ne
chhupoge kya digar rang-e-shabistan kar diya hum ne
ki apne ghar ko phunka aur charaghan kar diya hum ne
ghuTe jate the tum mina-e-qalb-e-ahl-e-KHalwat mein
tumhein jam-e-kaf-e-sahra-nashinan kar diya hum ne
anis-e-KHwajgan tum the jalis-e-KHwajgan tum the
magar tum ko nasib kam-nasiban kar diya hum ne
harim-e-naz se tum ko chura lane ke mujrim hain
ye sahra tha ise bhi ku-e-jaanan kar diya hum ne
nazar walo zara chaak-e-gareban dekhte jao
ise chaak-e-naqab-e-ru-e-jaanan kar diya hum ne
zamin KHakistar-e-yak shola-o-yam aab-e-yak-girya
yahi wo aab-o-gil hai jis ko insan kar diya hum ne
jafa se fitrat-e-asudgan tamir ki tum ne
wafa ko qismat-e-ashufta-haalan kar diya hum ne
mata-e-husn mahsusat mein arzan hi rah jati
giran us ko ba-yak taKHail-e-yazdan kar diya hum ne
khanDar mein mah-e-kaamil ka sanwarna is ko kahte hain
tum utre dil mein jab dil ko bayaban kar diya hum ne
amanat mangti thi hum se saman-e-nigah-dari
tumhin ko shahr-e-KHamoshi ka darban kar diya hum ne
RECITATIONS
Nomaan Shauque
00:00/00:00
KHirad ko KHana-e-dil ka nigah-ban kar diya humne
Nomaan Shauque
Leave a comment