Subscribe to our newsletter and get our newest updates

Mahshar Inayati

  • Ghazal


fikr-e-tajdid-e-riwayat-e-kuhan aaj bhi hai


fikr-e-tajdīd-e-rivāyāt-e-kuhan aaj bhī hai
haq-bayānī kā sila dār-o-rasan aaj bhī hai

pāsbānān-e-chaman kī ravish-e-korāna
vaj.h-e-rusvā.i-e-ā.īn-e-chaman aaj bhī hai

mai-e-pindār ke do ghūñT kī bardāsht kise
thā jo pahle vo bahakne kā chalan aaj bhī hai

rahnumā haiñ ki sar-e-rāh aḌe baiThe haiñ
kārvāñ hai ki sazā-vār-e-mehan aaj bhī hai

vaqt ke nabz-shanāsoñ se kaho tez chaleñ
ḳhud-fareboñ kī jabīnoñ pe shikan aaj bhī hai

kar chukā hai jo har ik daur meñ tiryāq kā kaam
mere sāġhar meñ vahī zahr-e-suḳhan aaj bhī hai

vahī 'mahshar' jo nigāhoñ meñ khaTaktā hī rahā
apnī bebāk-bayānī pe magan aaj bhī hai

fikr-e-tajdid-e-riwayat-e-kuhan aaj bhi hai
haq-bayani ka sila dar-o-rasan aaj bhi hai

pasbanan-e-chaman ki rawish-e-korana
wajh-e-ruswai-e-ain-e-chaman aaj bhi hai

mai-e-pindar ke do ghunT ki bardasht kise
tha jo pahle wo bahakne ka chalan aaj bhi hai

rahnuma hain ki sar-e-rah aDe baiThe hain
karwan hai ki saza-war-e-mehan aaj bhi hai

waqt ke nabz-shanason se kaho tez chalen
KHud-farebon ki jabinon pe shikan aaj bhi hai

kar chuka hai jo har ek daur mein tiryaq ka kaam
mere saghar mein wahi zahr-e-suKHan aaj bhi hai

wahi 'mahshar' jo nigahon mein khaTakta hi raha
apni bebak-bayani pe magan aaj bhi hai


Leave a comment

+