Subscribe to our newsletter and get our newest updates

Nami Ansari

  • Ghazal


mauj-e-gul barg-e-hina aab-e-rawan kuchh bhi nahin


mauj-e-gul barg-e-hinā āb-e-ravāñ kuchh bhī nahīñ
is jahān-e-rañg-o-bū meñ jāvedāñ kuchh bhī nahīñ

phir vahī zauq-e-ta.alluq phir vahī kār-e-junūñ
sar meñ saudā hai to āshob-e-jahāñ kuchh bhī nahīñ

ik samundar kitnā gahrā mere pas-manzar meñ hai
sāmne lekin zamīn-o-āsmāñ kuchh bhī nahīñ

dhuup kī chādar bhī mil jaa.e to kaafī hai bahut
kachche-pakke mausamoñ kā sā.ebāñ kuchh bhī nahīñ

sub.h kī dahlīz par sote haiñ ab bhī qāfile
vaqt ke sahrā meñ āvāz-e-azāñ kuchh bhī nahīñ

mom ho jaate haiñ patthar narmī-e-guftār se
yuuñ to kahne ko mirī tab-e-ravāñ kuchh bhī nahīñ

dekhiye kab barf pighle kab chale bād-e-sahar
vo to ab tak mehrbāñ nā-mehrbāñ kuchh bhī nahīñ

un ko shāyad ab bhī patthar ke zamāne yaad haiñ
jo ye kahte haiñ ki phūloñ kī zabāñ kuchh bhī nahīñ

shoḳhī-e-taqrīr-e-'nāmī' se ġhalat-fahmī na ho
sach to ye hai mere us ke darmiyāñ kuchh bhī nahīñ

mauj-e-gul barg-e-hina aab-e-rawan kuchh bhi nahin
is jahan-e-rang-o-bu mein jawedan kuchh bhi nahin

phir wahi zauq-e-talluq phir wahi kar-e-junun
sar mein sauda hai to aashob-e-jahan kuchh bhi nahin

ek samundar kitna gahra mere pas-manzar mein hai
samne lekin zamin-o-asman kuchh bhi nahin

dhup ki chadar bhi mil jae to kafi hai bahut
kachche-pakke mausamon ka saeban kuchh bhi nahin

subh ki dahliz par sote hain ab bhi qafile
waqt ke sahra mein aawaz-e-azan kuchh bhi nahin

mom ho jate hain patthar narmi-e-guftar se
yun to kahne ko meri tab-e-rawan kuchh bhi nahin

dekhiye kab barf pighle kab chale baad-e-sahar
wo to ab tak mehrban na-mehrban kuchh bhi nahin

un ko shayad ab bhi patthar ke zamane yaad hain
jo ye kahte hain ki phulon ki zaban kuchh bhi nahin

shoKHi-e-taqrir-e-'nami' se ghalat-fahmi na ho
sach to ye hai mere us ke darmiyan kuchh bhi nahin


Source: Raushni-ai-raushni

Leave a comment

+