jab kabhī zikr yaar kā aayā
ek jhoñkā bahār kā aayā

ishq kachche ghaḌe pe Duub gayā
lamha jab intizār kā aayā

aa ga.e dil meñ vasvase kitne
vaqt jab e'tibār kā aayā

paas tīr-o-kamāñ na the apne
jab bhī mausam shikār kā aayā

ham ne Thukrā diyā jahāñ ko 'josh'
marhala jab vaqār kā aayā

jab kabhi zikr yar ka aaya
ek jhonka bahaar ka aaya

ishq kachche ghaDe pe Dub gaya
lamha jab intizar ka aaya

aa gae dil mein waswase kitne
waqt jab e'tibar ka aaya

pas tir-o-kaman na the apne
jab bhi mausam shikar ka aaya

hum ne Thukra diya jahan ko 'josh'
marhala jab waqar ka aaya