itne āsūda kināre nahīñ achchhe lagte
ek hī jaise nazāre nahīñ achchhe lagte

itnī be-rabt kahānī nahīñ achchhī lagtī
aur vāzeh bhī ishāre nahīñ achchhe lagte

zarā dhīmī ho to ḳhushbū bhī bhalī lagtī hai
aañkh ko rañg bhī saare nahīñ achchhe lagte

paas aa jaa.eñ to be-nūrī muqaddar Thahre
duur bhī itne sitāre nahīñ achchhe lagte

apnī gumnāmī ke sahrāoñ meñ ḳhush rahtī huuñ
ab mujhe shahr tumhāre nahīñ achchhe lagte

itne aasuda kinare nahin achchhe lagte
ek hi jaise nazare nahin achchhe lagte

itni be-rabt kahani nahin achchhi lagti
aur wazeh bhi ishaare nahin achchhe lagte

zara dhimi ho to KHushbu bhi bhali lagti hai
aankh ko rang bhi sare nahin achchhe lagte

pas aa jaen to be-nuri muqaddar Thahre
dur bhi itne sitare nahin achchhe lagte

apni gumnami ke sahraon mein KHush rahti hun
ab mujhe shahr tumhaare nahin achchhe lagte

RECITATIONS Azra Naqvi



00:00/00:00 Itne ansuda kinare nahin ache lagte Azra Naqvi