raat chaupāl aur alaav miyāñ
ab kahāñ gaañv kā subhāv miyāñ

sher kahnā to ḳhair mushkil hai
sher paḌhnā hī siikh jaao miyāñ

dars-o-tadrīs jab ki mansab hai
kuchh paḌho aur kuchh paḌhāo miyāñ

ye jo phailī to tum bhī jhulsoge
aag kā khel mat rachāo miyāñ

ye safar dard kā hai raste meñ
kaisā ruknā kahāñ paḌāv miyāñ

raat chaupal aur alaw miyan
ab kahan ganw ka subhaw miyan

sher kahna to KHair mushkil hai
sher paDhna hi sikh jao miyan

dars-o-tadris jab ki mansab hai
kuchh paDho aur kuchh paDhao miyan

ye jo phaili to tum bhi jhulsoge
aag ka khel mat rachao miyan

ye safar dard ka hai raste mein
kaisa rukna kahan paDaw miyan

Source: Book : Khushk Tahni Zard Pattay (Pg. 45) Author : Yousuf Taqi Publication : Yousuf Taqi (2003) Edition : 2003