Subscribe to our newsletter and get our newest updates

Lubna Safdar

  • Ghazal


zamin-e-chashm-e-nam mein hum ko tera KHwab bona tha


zamīn-e-chashm-e-nam meñ ham ko terā ḳhvāb bonā thā
tirī har yaad kā motī to palkoñ meñ pironā thā

milan ke mausamoñ meñ jaane kyuuñ maiñ bhuul baiThī thī
tujhe bhī shahar kī is bhiiḌ meñ ai dost khonā thā

faqat apne ḳhayāloñ se na bāñdho yuuñ mire dilbar
kabhī dete rihā.ī mujh ko bhī kuchh der sonā thā

girā hai to ka.ī TukḌoñ meñ vo bikhrā paḌā hogā
tumhāre nam se hāthoñ meñ jo shīshe kā khilaunā thā

na jaane vaqt ne kyuuñ fāsle ye de diye varna
tumhī to mere jaise the tumheñ to merā honā thā

zamin-e-chashm-e-nam mein hum ko tera KHwab bona tha
teri har yaad ka moti to palkon mein pirona tha

milan ke mausamon mein jaane kyun main bhul baiThi thi
tujhe bhi shahar ki is bhiD mein ai dost khona tha

faqat apne KHayalon se na bandho yun mere dilbar
kabhi dete rihai mujh ko bhi kuchh der sona tha

gira hai to kai TukDon mein wo bikhra paDa hoga
tumhaare nam se hathon mein jo shishe ka khilauna tha

na jaane waqt ne kyun fasle ye de diye warna
tumhi to mere jaise the tumhein to mera hona tha


Leave a comment

+