kunj-e-qafas se pahle ghar apnā kahāñ na thā
aa.e yahāñ to hausla-e-āshiyāñ na thā

tujh ko samajh ke ḳhvāb meñ pahuñchā maiñ jis jagah
dekhā jo aañkh khol ke to kuchh vahāñ na thā

ik ik qadam pe ab to qayāmat kī dhuum hai
aage to ye chalan kabhī ai jān-e-jāñ na thā

Thahrī jo vasl kī to huī sub.h shaam se
but mehrbāñ hue to ḳhudā mehrbāñ na thā

kyūñkar qasam pe aaj mujhe e'tibār aa.e
kis din ḳhudā tumhāre mire darmiyāñ na thā

toḌā jo phuul bulbul-e-shaidā ke sāmne
kyā tere dil meñ dard kuchh ai bāġhbāñ na thā

kunj-e-qafas se pahle ghar apna kahan na tha
aae yahan to hausla-e-ashiyan na tha

tujh ko samajh ke KHwab mein pahuncha main jis jagah
dekha jo aankh khol ke to kuchh wahan na tha

ek ek qadam pe ab to qayamat ki dhum hai
aage to ye chalan kabhi ai jaan-e-jaan na tha

Thahri jo wasl ki to hui subh sham se
but mehrban hue to KHuda mehrban na tha

kyunkar qasam pe aaj mujhe e'tibar aae
kis din KHuda tumhaare mere darmiyan na tha

toDa jo phul bulbul-e-shaida ke samne
kya tere dil mein dard kuchh ai baghban na tha