dāġh-e-dil apnā jab dikhātā huuñ
rashk se sham.a ko jalātā huuñ

vo mirā shoḳh hai nipaT chanchal
bhaag jaatā hai jab bulātā huuñ

us parī-rū ko dekhtā huuñ jab
ho ke dīvāna sudh bhulātā huuñ

mujh ko detā hai gāliyāñ uTh kar
niind se jab use jagātā huuñ

jab mujhe ghertā hai ġham 'tābāñ'
sāġhar-e-mai ko bhar pilātā huuñ

dagh-e-dil apna jab dikhata hun
rashk se shama ko jalata hun

wo mera shoKH hai nipaT chanchal
bhag jata hai jab bulata hun

us pari-ru ko dekhta hun jab
ho ke diwana sudh bhulata hun

mujh ko deta hai galiyan uTh kar
nind se jab use jagata hun

jab mujhe gherta hai gham 'taban'
saghar-e-mai ko bhar pilata hun

RECITATIONS Fasih Akmal



00:00/00:00 dagh-e-dil apna jab dikhata hun Fasih Akmal