Subscribe to our newsletter and get our newest updates

Ghalib Ayaz

  • Ghazal


kabhi guman kabhi etibar ban ke raha


kabhī gumān kabhī e'tibār ban ke rahā
dayār-e-chashm meñ vo intizār ban ke rahā

hazār ḳhvāb mirī milkiyat meñ shāmil the
maiñ tere ishq meñ sarmāya-dār ban ke rahā

tamām umr use chāhnā na thā mumkin
kabhī kabhī to vo is dil pe baar ban ke rahā

usī ke naam karūñ maiñ tamām ahd-e-ḳhayāl
darūn-e-jāñ jo mire sogvār ban ke rahā

agarche shahr meñ mamnūa thī himāyat-e-ḳhvāb
magar ye dil sabab-e-intishār ban ke rahā

kabhi guman kabhi e'tibar ban ke raha
dayar-e-chashm mein wo intizar ban ke raha

hazar KHwab meri milkiyat mein shamil the
main tere ishq mein sarmaya-dar ban ke raha

tamam umr use chahna na tha mumkin
kabhi kabhi to wo is dil pe bar ban ke raha

usi ke nam karun main tamam ahd-e-KHayal
darun-e-jaan jo mere sogwar ban ke raha

agarche shahr mein mamnua thi himayat-e-KHwab
magar ye dil sabab-e-intishaar ban ke raha


Leave a comment

+