vo hañs hañs ke vaade kiye jā rahe haiñ
fareb-e-tamannā diye jā rahe haiñ

tirā naam le kar jiye jā rahe haiñ
gunāh-e-mohabbat kiye jā rahe haiñ

mire zaḳhm-e-dil kā muqaddar to dekho
nigāhoñ se Tāñke diye jā rahe haiñ

na kaalī ghaTā.eñ na phūloñ kā mausam
magar piine vaale piye jā rahe haiñ

tirī mahfil-e-nāz se uThne vaale
nigāhoñ meñ tujh ko liye jā rahe haiñ

mire shauq-e-dīdār kā haal sun kar
qayāmat ke vaade kiye jā rahe haiñ

harīm-e-tajallī meñ zauq-e-nazar hai
nigāhoñ se sajde kiye jā rahe haiñ

abhī hai asīrī kā āġhāz 'māhir'
abhī to faqat par siye jā rahe haiñ

wo hans hans ke wade kiye ja rahe hain
fareb-e-tamanna diye ja rahe hain

tera nam le kar jiye ja rahe hain
gunah-e-mohabbat kiye ja rahe hain

mere zaKHm-e-dil ka muqaddar to dekho
nigahon se Tanke diye ja rahe hain

na kali ghaTaen na phulon ka mausam
magar pine wale piye ja rahe hain

teri mahfil-e-naz se uThne wale
nigahon mein tujh ko liye ja rahe hain

mere shauq-e-didar ka haal sun kar
qayamat ke wade kiye ja rahe hain

harim-e-tajalli mein zauq-e-nazar hai
nigahon se sajde kiye ja rahe hain

abhi hai asiri ka aaghaz 'mahir'
abhi to faqat par siye ja rahe hain

RECITATIONS Nomaan Shauque



00:00/00:00 wo hans hans ke wade kiye ja rahe hain Nomaan Shauque