Subscribe to our newsletter and get our newest updates

Abdul Ahad Saaz

  • Ghazal


khile hain phul ki surat tere visal ke din


khile haiñ phuul kī sūrat tire visāl ke din
tire jamāl kī rāteñ tire ḳhayāl ke din

nafas nafas na.ī tahdāriyoñ meñ zaat kī khoj
ajab haiñ tere badan tere ḳhadd-o-ḳhāl ke din

ba-zauq-e-sher ba-jabr-e-ma.āsh yakjā haiñ
mire uruuj kī rāteñ mire zavāl ke din

ḳharīd baiThe haiñ dhoke meñ jins-e-umr-e-darāz
hameñ dikhā.e the maktab ne kuchh misāl ke din

na hādse na tasalsul na rabt-e-umr kahīñ
bikhar ke rah ga.e lamhoñ meñ māh-o-sāl ke din

maiñ baḌhte baḌhte kisī roz tujh ko chhū letā
ki gin ke rakh diye tū ne mirī majāl ke din

ye tajrabāt kī vus.at ye qaid-e-saut-o-sadā
na pūchh kaise kaḌe haiñ ye arz-e-hāl ke din

khile hain phul ki surat tere visal ke din
tere jamal ki raaten tere KHayal ke din

nafas nafas nai tahdariyon mein zat ki khoj
ajab hain tere badan tere KHadd-o-KHal ke din

ba-zauq-e-sher ba-jabr-e-maash yakja hain
mere uruj ki raaten mere zawal ke din

KHarid baiThe hain dhoke mein jins-e-umr-e-daraaz
hamein dikhae the maktab ne kuchh misal ke din

na hadse na tasalsul na rabt-e-umr kahin
bikhar ke rah gae lamhon mein mah-o-sal ke din

main baDhte baDhte kisi roz tujh ko chhu leta
ki gin ke rakh diye tu ne meri majal ke din

ye tajrabaat ki wusat ye qaid-e-saut-o-sada
na puchh kaise kaDe hain ye arz-e-haal ke din

RECITATIONS Abdul Ahad Saaz



00:00/00:00 khile hain phul ki surat tere visal ke din Abdul Ahad Saaz

Leave a comment

+