Subscribe to our newsletter and get our newest updates

Hameed Gauhar

  • Ghazal


be-asar be-samar tera milna


be-asar be-samar tirā milnā
sirf tasvīr-bhar tirā milnā

aa ga.iiñ darmiyān sañgīneñ
ho gayā mo'atabar tirā milnā

machhliyāñ haath meñ nahīñ ruktīñ
muḳhtalif hai magar tirā milnā

shahar kī battiyāñ na gul kar de
raat pichhle pahar tirā milnā

manziloñ kā surāġh ho jaise
aaj is moḌ par tirā milnā

be-asar be-samar tera milna
sirf taswir-bhar tera milna

aa gain darmiyan sanginen
ho gaya mo'atabar tera milna

machhliyan hath mein nahin ruktin
muKHtalif hai magar tera milna

shahar ki battiyan na gul kar de
raat pichhle pahar tera milna

manzilon ka suragh ho jaise
aaj is moD par tera milna


Source: Rooh-e-Ghazal,Pachas Sala Intekhab

Leave a comment

+