bas ek baar kisī ne gale lagāyā thā
phir us ke ba.ad na maiñ thā na merā saayā thā

galī meñ log bhī the mere us ke dushman log
vo sab pe hañstā huā mere dil meñ aayā thā

us ek dasht meñ sau shahr ho ga.e ābād
jahāñ kisī ne kabhī kārvāñ luTāyā thā

vo mujh se apnā patā pūchhne ko aa nikle
ki jin se maiñ ne ḳhud apnā surāġh paayā thā

mire vajūd se gulzār ho ke niklī hai
vo aag jis ne tirā pairahan jalāyā thā

mujhī ko tāna-e-ġhārat-garī na de pyāre
ye naqsh maiñ ne tire haath se miTāyā thā

usī ne ruup badal kar jagā diyā āḳhir
jo zahr mujh pe kabhī niiñd ban ke chhāyā thā

'zafar' kī ḳhaak meñ hai kis kī hasrat-e-tāmīr
ḳhayāl-o-ḳhvāb meñ kis ne ye ghar banāyā thā

bas ek bar kisi ne gale lagaya tha
phir us ke baad na main tha na mera saya tha

gali mein log bhi the mere us ke dushman log
wo sab pe hansta hua mere dil mein aaya tha

us ek dasht mein sau shahr ho gae aabaad
jahan kisi ne kabhi karwan luTaya tha

wo mujh se apna pata puchhne ko aa nikle
ki jin se main ne KHud apna suragh paya tha

mere wajud se gulzar ho ke nikli hai
wo aag jis ne tera pairahan jalaya tha

mujhi ko tana-e-ghaarat-gari na de pyare
ye naqsh main ne tere hath se miTaya tha

usi ne rup badal kar jaga diya aaKHir
jo zahr mujh pe kabhi nind ban ke chhaya tha

'zafar' ki KHak mein hai kis ki hasrat-e-tamir
KHayal-o-KHwab mein kis ne ye ghar banaya tha

RECITATIONS Nomaan Shauque



00:00/00:00 bas ek bar kisi ne gale lagaya tha Nomaan Shauque