Subscribe to our newsletter and get our newest updates

Farhan Hanif Warsi

  • Ghazal


din viran shab bojhal likh


din vīrāñ shab bojhal likh
ġhazleñ cigarette botal likh

gumnāmoñ kī nagrī meñ
shohrat ko tū pāgal likh

sadiyoñ jaisā us ke bin
lamha lamha pal pal likh

dil-mausam meñ maiñ aur vo
naddī naale jal-thal likh

va.adoñ kī barsātoñ meñ
yādoñ kī hai daldal likh

phail gayā hai rātoñ-rāt
un āñkhoñ kā kājal likh

ġham apnī jāgīr 'hanīf'
ishq parāyā maḳhmal likh

din viran shab bojhal likh
ghazlen cigarette botal likh

gumnamon ki nagri mein
shohrat ko tu pagal likh

sadiyon jaisa us ke bin
lamha lamha pal pal likh

dil-mausam mein main aur wo
naddi nale jal-thal likh

wadon ki barsaton mein
yaadon ki hai daldal likh

phail gaya hai raaton-raat
un aankhon ka kajal likh

gham apni jagir 'hanif'
ishq paraya maKHmal likh


Leave a comment

+