Subscribe to our newsletter and get our newest updates

Jamal Ehsani

  • Ghazal


kahni hai ek baat dil-e-shad-kaam se


kahnī hai ek baat dil-e-shād-kām se
tañg aa gayā huuñ yaar mohabbat ke naam se

maiñ huuñ ki mujh ko dīda-e-bīnā kā rog hai
aur log haiñ ki kaam unheñ apne kaam se

ushshāq haiñ ki marne kī lazzat se haiñ niDhāl
shamshīr hai ki niklī nahīñ hai niyām se

jab us ne jā ke pahlu-e-gul meñ nashist kī
bād-e-sabā bichhaḌ ga.ī apne ḳhirām se

vahshat ik aur hai mujhe hijrat se bhī sivā
ham-ḳhāna mutma.in nahīñ mere qayām se

kahni hai ek baat dil-e-shad-kaam se
tang aa gaya hun yar mohabbat ke nam se

main hun ki mujh ko dida-e-bina ka rog hai
aur log hain ki kaam unhen apne kaam se

ushshaq hain ki marne ki lazzat se hain niDhaal
shamshir hai ki nikli nahin hai niyam se

jab us ne ja ke pahlu-e-gul mein nashist ki
baad-e-saba bichhaD gai apne KHiram se

wahshat ek aur hai mujhe hijrat se bhi siwa
ham-KHana mutmain nahin mere qayam se


Leave a comment

+