Subscribe to our newsletter and get our newest updates

Fahmi Badayuni

  • Ghazal


wo kahin tha kahin dikhai diya


vo kahīñ thā kahīñ dikhā.ī diyā
maiñ jahāñ thā vahīñ dikhā.ī diyā

ḳhvāb meñ ik hasīñ dikhā.ī diyā
vo bhī parda-nashīñ dikhā.ī diyā

jab talak tū nahīñ dikhā.ī diyā
ghar kahīñ kā kahīñ dikhā.ī diyā

roz chehre ne ā.īne badle
jo nahīñ thā nahīñ dikhā.ī diyā

bad-maza kyuuñ haiñ āsmāñ vaale
maiñ zamīñ thā zamīñ dikhā.ī diyā

us ko le kar chalī ga.ī gaaḌī
phir hameñ kuchh nahīñ dikhā.ī diyā

wo kahin tha kahin dikhai diya
main jahan tha wahin dikhai diya

KHwab mein ek hasin dikhai diya
wo bhi parda-nashin dikhai diya

jab talak tu nahin dikhai diya
ghar kahin ka kahin dikhai diya

roz chehre ne aaine badle
jo nahin tha nahin dikhai diya

bad-maza kyun hain aasman wale
main zamin tha zamin dikhai diya

us ko le kar chali gai gaDi
phir hamein kuchh nahin dikhai diya


Leave a comment

+