Subscribe to our newsletter and get our newest updates

Prem Shankar Goila Farhat

  • Ghazal


ek jalwa ek naghma ek paimana abhi


ek jalva ek naġhma ek paimāna abhī
zindagī kā ham-nashīñ mat chheḌ afsāna abhī

lazzat-e-sahbā se huuñ sāqī-e-begāna abhī
ho rahā hai band kyuuñ hastī kā mai-ḳhāna abhī

hairat-e-jalva mirī āñkhoñ kā parda ban ga.ī
huuñ sar-e-manzil magar manzil se begāna abhī

dekh to pī kar zarā sī aaj sahbā-e-ḳhudī
dekh bantā hai jahāñ ik ā.ina-ḳhāna abhī

khul gayā gar mai-kashoñ par dard-e-sahbā kā bharam
guuñj uTThegā navā-e-ġham se mai-ḳhāna abhī

sun rahe haiñ qissa-e-ādam azal se ham magar
hai vahī kaifiyyat-e-āġhāz-e-afsāna abhī

kāsa-e-dil ko mujalla aur kar luuñ to chalūñ
darḳhur-e-husn-e-azal kab hai ye nazrāna abhī

gesū-e-kaunanin to minnat-kash-e-shāna nahīñ
haañ magar uljhā huā hai zehn-e-farzāna abhī

jis qadar piitā gayā maiñ tishnagī baḌhtī ga.ī
bas yahī thī aarzū aur ek paimāna abhī

sidq-e-dil se sāqī-e-fitrat ko ik āvāz de
dekh aatā hai tire hāthoñ meñ paimāna abhī

fursat-e-nazzāra kab hāsil huī 'farhat' mujhe
huuñ asīr-e-kār-gāh-e-husn-e-jānāna abhī

ek jalwa ek naghma ek paimana abhi
zindagi ka ham-nashin mat chheD afsana abhi

lazzat-e-sahba se hun saqi-e-begana abhi
ho raha hai band kyun hasti ka mai-KHana abhi

hairat-e-jalwa meri aankhon ka parda ban gai
hun sar-e-manzil magar manzil se begana abhi

dekh to pi kar zara si aaj sahba-e-KHudi
dekh banta hai jahan ek aaina-KHana abhi

khul gaya gar mai-kashon par dard-e-sahba ka bharam
gunj uTThega nawa-e-gham se mai-KHana abhi

sun rahe hain qissa-e-adam azal se hum magar
hai wahi kaifiyyat-e-aghaz-e-afsana abhi

kasa-e-dil ko mujalla aur kar lun to chalun
darKHur-e-husn-e-azal kab hai ye nazrana abhi

gesu-e-kaunanin to minnat-kash-e-shana nahin
han magar uljha hua hai zehn-e-farzana abhi

jis qadar pita gaya main tishnagi baDhti gai
bas yahi thi aarzu aur ek paimana abhi

sidq-e-dil se saqi-e-fitrat ko ek aawaz de
dekh aata hai tere hathon mein paimana abhi

fursat-e-nazzara kab hasil hui 'farhat' mujhe
hun asir-e-kar-gah-e-husn-e-jaanana abhi


Source: Book : Saaz-e-hayat (Pg. 88) Author : Prem Shankar Goila Farhat Publication : Maktaba Tahriik, Ansari Market, Daryaganj (1965) Edition : 1965

Leave a comment

+