Warning: session_start(): open(/tmp/sess_per598ut170kve41a2er0vlff0, O_RDWR) failed: No space left on device (28) in /razi/eraazi/darbari/chunmun/index.php on line 15
sar-e-baam-e-hijr diya bujha to KHabar hui

Subscribe to our newsletter and get our newest updates

Iftikhar Arif

  • Ghazal


sar-e-baam-e-hijr diya bujha to KHabar hui


sar-e-bām-e-hijr diyā bujhā to ḳhabar huī
sar-e-shām koī judā huā to ḳhabar huī

mirā ḳhush-ḳhirām balā kā tez-ḳhirām thā
mirī zindagī se chalā gayā to ḳhabar huī

mire saare harf tamām harf azaab the
mire kam-suḳhan ne suḳhan kiyā to ḳhabar huī

koī baat ban ke bigaḌ ga.ī to pata chalā
mire bevafā ne karam kiyā to ḳhabar huī

mire ham-safar ke safar kī samt hī aur thī
kahīñ rāsta koī gum huā to ḳhabar huī

mire qissa-go ne kahāñ kahāñ se baḌhā.ī baat
mujhe dāstāñ kā sirā milā to ḳhabar huī

na lahū kā mausam-e-rañg-rez na dil na maiñ
koī ḳhvāb thā ki bikhar gayā to ḳhabar huī

sar-e-baam-e-hijr diya bujha to KHabar hui
sar-e-sham koi juda hua to KHabar hui

mera KHush-KHiram bala ka tez-KHiram tha
meri zindagi se chala gaya to KHabar hui

mere sare harf tamam harf azab the
mere kam-suKHan ne suKHan kiya to KHabar hui

koi baat ban ke bigaD gai to pata chala
mere bewafa ne karam kiya to KHabar hui

mere ham-safar ke safar ki samt hi aur thi
kahin rasta koi gum hua to KHabar hui

mere qissa-go ne kahan kahan se baDhai baat
mujhe dastan ka sira mila to KHabar hui

na lahu ka mausam-e-rang-rez na dil na main
koi KHwab tha ki bikhar gaya to KHabar hui

RECITATIONS Iftikhar Arif



00:00/00:00 sar-e-baam-e-hijr diya bujha to KHabar hui Iftikhar Arif

Source: Book : Mahr-e-Do neem (Pg. 63)

Leave a comment

+