Subscribe to our newsletter and get our newest updates

Idris Babar

  • Ghazal


dil ke ghuTne ko ishaara samjho


dil ke ghuTne ko ishārā samjho
dahr ye apnā ḳhasārā samjho

ye bhī mumkin hai ki tum duur ke log
is alaav ko sitāra samjho

ye bhī ik mauj hai miTTī kī sahī
vaqt kam hai to kinārā samjho

par nahīñ hote ḳhayāloñ ke to phir
kaise uḌte haiñ ġhubārā samjho

kise ma.alūm ḳhazāna mil jaa.e
koī naqsha to dobāra samjho

khet rul jā.eñge pāgal-pan meñ
jañg kaisī mujhe haarā samjho

dil ke ghuTne ko ishaara samjho
dahr ye apna KHasara samjho

ye bhi mumkin hai ki tum dur ke log
is alaw ko sitara samjho

ye bhi ek mauj hai miTTi ki sahi
waqt kam hai to kinara samjho

par nahin hote KHayalon ke to phir
kaise uDte hain ghubara samjho

kise malum KHazana mil jae
koi naqsha to dobara samjho

khet rul jaenge pagal-pan mein
jang kaisi mujhe haara samjho


Source: Book : Quarterly TASTEER Lahore (Pg. 624) Author : Naseer Ahmed Nasir Publication : H.No.-21, Street No. 2, Phase II, Bahriya Town, Rawalpindi (Issue No. 1, 2, Jan To June.2011) Edition : Issue No. 1, 2, Jan To June.2011

Leave a comment

+