Subscribe to our newsletter and get our newest updates

Obaidurrahman Niyazi

  • Ghazal


nahif tinka bhala tez dhaar kya jaane


nahīf tinkā bhalā tez dhaar kyā jaane
na kar sakegā vo dariyā ko paar kyā jaane

hayāt kī ye nihāyat tavīl rāhguzār
musāfiroñ kī thakan kā shumār kyā jaane

masarratoñ meñ chhupā husn-e-dil ko kyā ma.alūm
ye regzār jamāl-e-bahār kyā jaane

vo ham se umr bitāne kī baat kartā hai
hameñ to saañs bhī lenā hai baar kyā jaane

nashe meñ hai jo masarrat kā jaam pī ke 'obaid'
vo hādsāt kī mai kā ḳhumār kyā jaane

nahif tinka bhala tez dhaar kya jaane
na kar sakega wo dariya ko par kya jaane

hayat ki ye nihayat tawil rahguzar
musafiron ki thakan ka shumar kya jaane

masarraton mein chhupa husn-e-dil ko kya malum
ye regzar jamal-e-bahaar kya jaane

wo hum se umr bitane ki baat karta hai
hamein to sans bhi lena hai bar kya jaane

nashe mein hai jo masarrat ka jam pi ke 'obaid'
wo hadsat ki mai ka KHumar kya jaane


Leave a comment

+