jab bhī jalegī sham.a to parvāna aa.egā
dīvāna le ke jaan kā nazrāna aa.egā

tujh ko bhulā ke lūñgā maiñ ḳhud se bhī intiqām
jab mere haath meñ koī paimāna aa.egā

āsān kis qadar hai samajh lo mirā pata
bastī ke baad pahlā jo vīrāna aa.egā

us kī galī meñ sar kī bhī lāzim hai ehtiyāt
patthar uThā ke haath meñ dīvāna aa.egā

'nāsir' jo pattharoñ se navāzā gayā huuñ maiñ
marne ke baad phūloñ kā nazrāna aa.egā

jab bhi jalegi shama to parwana aaega
diwana le ke jaan ka nazrana aaega

tujh ko bhula ke lunga main KHud se bhi intiqam
jab mere hath mein koi paimana aaega

aasan kis qadar hai samajh lo mera pata
basti ke baad pahla jo virana aaega

us ki gali mein sar ki bhi lazim hai ehtiyat
patthar uTha ke hath mein diwana aaega

'nasir' jo pattharon se nawaza gaya hun main
marne ke baad phulon ka nazrana aaega