Subscribe to our newsletter and get our newest updates

Waheed Akhtar

  • Ghazal


katra ke gulsitan se jo su-e-qafas chale


katrā ke gulsitāñ se jo sū-e-qafas chale
aisī koī havā bhī to ab ke baras chale

ādāb-e-qāfila bhī haiñ zanjīr-e-pā-e-shauq
ye kyā safar asīr-e-sadā-e-jaras chale

maanā havā-e-gul se the be-iḳhtiyār ham
phir bhī bachā ke raah kā har ḳhār-o-ḳhas chale

pāmāl ho ke rah ga.e jashn-e-bahār meñ
ye fikr thī chaman pe ḳhizāñ kā na bas chale

ai chashma-e-hayāt na dī tū ne buuñd bhī
ham tishna-kām abr kī sūrat baras chale

sub.heñ bhī aa ke zahr rag-e-jāñ meñ bhar na deñ
hijrān-e-yār tere añdhere to Das chale

un kī ye zid vo dekheñ gadā-e-rafū hameñ
ham ko ye fikr un ke garebāñ pe bas chale

thā pās-e-ābrū-e-tamannā hameñ 'vahīd'
chun kar gul-e-murād sab ahl-e-havas chale

katra ke gulsitan se jo su-e-qafas chale
aisi koi hawa bhi to ab ke baras chale

aadab-e-qafila bhi hain zanjir-e-pa-e-shauq
ye kya safar asir-e-sada-e-jaras chale

mana hawa-e-gul se the be-iKHtiyar hum
phir bhi bacha ke rah ka har KHar-o-KHas chale

pamal ho ke rah gae jashn-e-bahaar mein
ye fikr thi chaman pe KHizan ka na bas chale

ai chashma-e-hayat na di tu ne bund bhi
hum tishna-kaam abr ki surat baras chale

subhen bhi aa ke zahr rag-e-jaan mein bhar na den
hijran-e-yar tere andhere to Das chale

un ki ye zid wo dekhen gada-e-rafu hamein
hum ko ye fikr un ke gareban pe bas chale

tha pas-e-abru-e-tamanna hamein 'wahid'
chun kar gul-e-murad sab ahl-e-hawas chale


Source: Funoon(Jadeed Ghazal Number: Volume-002)

Leave a comment

+