fasīl-e-jān pe saa.e haiñ zard beloñ ke
ye kaise abr se chhā.e haiñ zard beloñ ke

tumhārī āñkhoñ pe ḳhushbū utar chukī lekin
hameñ to ḳhvāb tak aa.e haiñ zard beloñ ke

vo surḳh phuul kitāboñ meñ dekh rotā rahā
jise bhī qisse sunā.e haiñ zard beloñ ke

ḳhabar nahīñ bhī havā ko to baaġh jāntā hai
jo maiñ ne rañj uThā.e haiñ zard beloñ ke

kuchh is liye bhī mirī saañs ruk rahī hai 'farah'
kisī ne zaḳhm dikhā.e haiñ zard beloñ ke

fasil-e-jaan pe sae hain zard belon ke
ye kaise abr se chhae hain zard belon ke

tumhaari aankhon pe KHushbu utar chuki lekin
hamein to KHwab tak aae hain zard belon ke

wo surKH phul kitabon mein dekh rota raha
jise bhi qisse sunae hain zard belon ke

KHabar nahin bhi hawa ko to bagh jaanta hai
jo main ne ranj uThae hain zard belon ke

kuchh is liye bhi meri sans ruk rahi hai 'farah'
kisi ne zaKHm dikhae hain zard belon ke