Subscribe to our newsletter and get our newest updates

Om Parkash Bajaj

  • Ghazal


tasawwur mein salam aate rahenge


tasavvur meñ salām aate raheñge
mohabbat ke payām aate raheñge

kamī mumkin nahīñ hai bām-o-dar kī
nazar māh-e-tamām aate raheñge

nigāhoñ se mileñgī jab nigāheñ
to ḳhud gardish meñ jaam aate raheñge

kashish un meñ agar hogī zarā sī
parinde zer-e-dām aate raheñge

shab-e-furqat shab-e-furqat na hogī
tasavvur kuchh to kaam aate raheñge

vaqār-e-sher-o-fan baḌhtā rahegā
agar kuchh ḳhush-kalām aate raheñge

'bajāj' un ko jo rokegā zamāna
vo ḳhvāboñ meñ mudām aate raheñge

tasawwur mein salam aate rahenge
mohabbat ke payam aate rahenge

kami mumkin nahin hai baam-o-dar ki
nazar mah-e-tamam aate rahenge

nigahon se milengi jab nigahen
to KHud gardish mein jam aate rahenge

kashish un mein agar hogi zara si
parinde zer-e-dam aate rahenge

shab-e-furqat shab-e-furqat na hogi
tasawwur kuchh to kaam aate rahenge

waqar-e-sher-o-fan baDhta rahega
agar kuchh KHush-kalam aate rahenge

'bajaj' un ko jo rokega zamana
wo KHwabon mein mudam aate rahenge


Source: Book : SAAZ-O-NAVA (Pg. 79) Publication : Raghu Nath suhai ummid

Leave a comment

+