vaqt kī qaid se āzād karāne aa.e
āḳhirī vaqt mujhe muñh hī dikhāne aa.e

in dinoñ merī tabī.at meñ hai mad-hoshī sī
us se kah do ki mirā dard jagāne aa.e

maiñ ne jab pyaar kī daulat se navāzā hai use
vo bhī do bol mohabbat ke sunāne aa.e

umr-bhar saath nibhāne ko kahā hai kis ne
vo mire saath bas ik shaam manāne aa.e

dil ko dariyā ko baḌī der huī ḳhushk hue
koī bādal hī mirī pyaas bujhāne aa.e

jab se vo ruuTh gayā shaad yahī sochtā huuñ
kab mirā chāñd mire paas na-jāne aa.e

waqt ki qaid se aazad karane aae
aaKHiri waqt mujhe munh hi dikhane aae

in dinon meri tabiat mein hai mad-hoshi si
us se kah do ki mera dard jagane aae

main ne jab pyar ki daulat se nawaza hai use
wo bhi do bol mohabbat ke sunane aae

umr-bhar sath nibhane ko kaha hai kis ne
wo mere sath bas ek sham manane aae

dil ko dariya ko baDi der hui KHushk hue
koi baadal hi meri pyas bujhane aae

jab se wo ruTh gaya shad yahi sochta hun
kab mera chand mere pas na-jaane aae