ham tirā ahd-e-mohabbat Thahre
lauh-e-nisyāñ kī jasārat Thahre

dil lahū kar ke ye qismat Thahre
sañg fankār kī ujrat Thahre

maqtal-e-jāñ kī zarūrat Thahre
ham ki shāyān-e-mohabbat Thahre

kyā qayāmat hai vo qātil mujh meñ
mere ehsās kī sūrat Thahre

vaqt ke dajla-e-tūfānī meñ
aap ham mauja-e-ujlat Thahre

dostī ye hai ki ḳhushbū ke liye
rañg zindānī-e-sūrat Thahre

tū hai ḳhurshīd na maiñ huuñ shabnam
kyā mulāqāt kī sūrat Thahre

uf ye guzre hue lamhoñ kā hujūm
dar-o-dīvār qayāmat Thahre

kūcha-gardān-e-junūñ misl-e-sabā
zulf-e-āvāra kī qismat Thahre

ishq meñ manzil ārām bhī thī
ham sar-e-kūcha-e-vahshat Thahre

jab se 'ummīd' gayā hai koī!!
lamhe sadiyoñ kī alāmat Thahre

hum tera ahd-e-mohabbat Thahre
lauh-e-nisyan ki jasarat Thahre

dil lahu kar ke ye qismat Thahre
sang fankar ki ujrat Thahre

maqtal-e-jaan ki zarurat Thahre
hum ki shayan-e-mohabbat Thahre

kya qayamat hai wo qatil mujh mein
mere ehsas ki surat Thahre

waqt ke dajla-e-tufani mein
aap hum mauja-e-ujlat Thahre

dosti ye hai ki KHushbu ke liye
rang zindani-e-surat Thahre

tu hai KHurshid na main hun shabnam
kya mulaqat ki surat Thahre

uf ye guzre hue lamhon ka hujum
dar-o-diwar qayamat Thahre

kucha-gardan-e-junun misl-e-saba
zulf-e-awara ki qismat Thahre

ishq mein manzil aaram bhi thi
hum sar-e-kucha-e-wahshat Thahre

jab se 'ummid' gaya hai koi!!
lamhe sadiyon ki alamat Thahre

Source: Book : Range-e-Gazal (Pg. 142) Author : shahzaad ahmad Publication : Ali Printers, 19-A Abate Road, Lahore (1988) Edition : 1988