Subscribe to our newsletter and get our newest updates

Ejazulhaq Shahab

  • Ghazal


KHauf sa phir labon pe tari hai


ḳhauf sā phir laboñ pe taarī hai
ik ajab kaifiyat hamārī hai

aao badleñ nizām-e-gulshan ham
kuchh hamārī bhī zimmedārī hai

raushnī haq ke ek jugnū kī
saiñkaḌoñ zulmatoñ pe bhārī hai

aap kā to koī javāb nahīñ
aa.iye ab hamārī baarī hai

jashn-e-tadfīn-e-ārzū-e-visāl
aur sāñsoñ kā raqs jaarī hai

vasl kā ek qīmtī lamha
hijr kī muddatoñ pe bhārī hai

vahshat-e-ishq meñ suno ham ne
din sameTā hai shab utārī hai

qahqahoñ kā nagar tumheñ sauñpā
dard par saltanat hamārī hai

ġhalatiyāñ aap se nahīñ hotīñ
kyā farishtoñ se rishta-dārī hai

aap suniye 'shahāb' ko bhī kabhī
goyā ilhām-e-rabt jaarī hai

KHauf sa phir labon pe tari hai
ek ajab kaifiyat hamari hai

aao badlen nizam-e-gulshan hum
kuchh hamari bhi zimmedari hai

raushni haq ke ek jugnu ki
sainkaDon zulmaton pe bhaari hai

aap ka to koi jawab nahin
aaiye ab hamari bari hai

jashn-e-tadfin-e-arzu-e-visal
aur sanson ka raqs jari hai

wasl ka ek qimti lamha
hijr ki muddaton pe bhaari hai

wahshat-e-ishq mein suno hum ne
din sameTa hai shab utari hai

qahqahon ka nagar tumhein saunpa
dard par saltanat hamari hai

ghalatiyan aap se nahin hotin
kya farishton se rishta-dari hai

aap suniye 'shahab' ko bhi kabhi
goya ilham-e-rabt jari hai


Leave a comment

+