Subscribe to our newsletter and get our newest updates

Prem Kumar Nazar

  • Ghazal


zat mein karb ho aur karb ka izhaar na ho


zaat meñ karb ho aur karb kā iz.hār na ho
sochtā huuñ kahīñ merā yahī kirdār na ho

mere āñgan meñ khilī dhuup kā asrār hai kyā
uTh ke dekhūñ to sahī vo pas-e-dīvār na ho

jī meñ aatī hai ki ab aise safar par nikleñ
uuñT ham-rāh na ho jeb meñ dīnār na ho

kashtiyāñ kis liye sāhil se bañdhī rahtī haiñ
ho na ho niile samundar meñ koī ġhaar na ho

zat mein karb ho aur karb ka izhaar na ho
sochta hun kahin mera yahi kirdar na ho

mere aangan mein khili dhup ka asrar hai kya
uTh ke dekhun to sahi wo pas-e-diwar na ho

ji mein aati hai ki ab aise safar par niklen
unT ham-rah na ho jeb mein dinar na ho

kashtiyan kis liye sahil se bandhi rahti hain
ho na ho nile samundar mein koi ghaar na ho


Source: Book : Lauh-e-Jahan (Pg. 76)

Leave a comment

+