Subscribe to our newsletter and get our newest updates

Danish Aligarhi

  • Ghazal


waiz tu agar un ke kuche se guzar jae


vaa.iz tū agar un ke kūche se guzar jaa.e
firdaus kā manzar bhī nazroñ se utar jaa.e

rūdād-e-shab-e-ġham yuuñ Dartā huuñ sunāne se
mahfil meñ kahīñ un kī sūrat na utar jaa.e

ik vāda-e-fardā kī ummīd pe zinda huuñ
ai kaash kisī sūrat ye raat guzar jaa.e

kaabe hī ke raste meñ mai-ḳhāna bhī paḌtā hai
uljhan meñ ye rah-rau hai jaa.e to kidhar jaa.e

tum un se milo 'dānish' ye dhyān rahe lekin
ḳhuddāri-e-fitrat kā ehsās na mar jaa.e

waiz tu agar un ke kuche se guzar jae
firdaus ka manzar bhi nazron se utar jae

rudad-e-shab-e-gham yun Darta hun sunane se
mahfil mein kahin un ki surat na utar jae

ek wada-e-farda ki ummid pe zinda hun
ai kash kisi surat ye raat guzar jae

kabe hi ke raste mein mai-KHana bhi paDta hai
uljhan mein ye rah-rau hai jae to kidhar jae

tum un se milo 'danish' ye dhyan rahe lekin
KHuddari-e-fitrat ka ehsas na mar jae


Leave a comment

+